مش هستنى نهايه المشهد

أنا هتكلم

هنطق هشهد ؛

عللى بيحصل فيكى ياغاليه

كل دقيقه ولحظه وثانيه

ويوم ورا يوم واحد

بستشهد

يمكن هما مش حاسيين

او لساهم كده

نايميين ؛

يبقى هقولها باعلى

صوت

يبقى هقولها قبل؛ ماأموت

اللى بيحصل فيكى يوماتى

شىء عمر ماينفعله

سكوت

أصل ماعنتش قادره

أ شوفك ؛

وألمح ا لمك؛ رعبك ؛ خوفك ؛

جوه ولادك

بنزف دم

وجرح لحد الان مااتلم ؛

وكلب يهودى خسيس وجبان

ليل ونهار

عمال بيطوفك

نفسى أمسح باديا دموعك

وأقيدلك من تانى شموعك ؛

ومولدك ده نفسى

أفضيه ؛

وأقتل كل خسيس وأرميه

و أ زغرتلك

وقت رجوعك .

لما صرحتى أول صرخة

قلبى فى صدرى

جدارة انشق

واما الدمعة لمحها فى عينك

كان هيموت

من كتر الدق

دى أصعب حاجة شفتها عنيا

طفل بيبكى فى أحضان أمه

وعايش عمره

بين اه ولاء

عينى وقلبى عليكى ياغالية

ياللى تاريخك كله

جروح

باب أحزانك فاتحه زمانك

فاتحه فى يوم ونساه

مفتوح

وحضنك نايم فيه ناس تانية

وناسك حاضنيين

دم ونوح

وحياه جرحك المك دمعك

اللى مغطى كل خدودى

بكرة هطهر توبك لخضر

من لمسة ايد كل يهودى

وأغسلك وشك باديا

وأبوسك

وأقولك عودى

دى كل بداية وليها نهاية

وكل غروب له شروق أكيد

فمهمن قصوا ضفاير عمرك

بكرة هينبت

غيرها جديد

حتى ولو هديلك عمرى

وعشانك يبقى اسمى شهيد

وعشانك يبقى اسمى

" شهيد " .

" خدامك "

راح أكتب بالهوى اسمك والضم عمرى ف ايامك

وأرمى قلبى فى حضنك وأحقق بيا أحلامك

هحط ايديا ف ايديكى

من الأخر بموت فيكى

ولجل عنيكى أنا راضى

أعيش العمر خدامك .

" داندى "

أخر شىء

أخر شىء ممكن إنى أنا أبكى عليه ؟

؟أخر شىء ممكن تانى أفكر فيه؟؟

طبعا أنت ‍‍‍‍‍‍‍‍‍‍‍؟؟

أصلك أنت

جرحت ؛

ظلمت ؛

خدعت ؛

وخنت .؛

أول واحده هانتنى ؛ باعتنى فى يوم ظالمتنى

كانت انت ؟؟

وأخر واحده هتخدع قلبى وتخدع عينى

هتكون انت ؟؟

أصل جراحك دى صاحتنى

أخدت حبى لكن اديتنى

بدل عيونى عيون تانيين

؟؟أقدر بيهم أشوف لبعيد

قبل ما أصاحب قلب جديد

.أصل زمان كان نظرى ضعيف لما

عملت ملاك وشريفه

صدقتك وأتاريك مجرد شكل ما يسوا

فى عينى تعريفه

؟؟لكن حظى وقلة بختى

هما اللى رامونى عليك ياختى

ولقتنى بوهبلك قلبى وأديلك اخلاصى وحبى

ياااااااااااااااااااااااااااااااااااااااااااه

دنا كنت ولا المجانين ؟

كنت الحاجه الحلوه فى عينى كنت بشوفك

حلم جميل

كنت بكلم نفسى عليك أبعد عنك مستحيل ؟

؟كنت أعز الناس فى عنيا كنت بموت

فى هواك بجد

شفت قساوه وظلم وغدر منك عمرى

ما شفته فى حد ؟

؟كل كلامك وهم وكدب

دا انت ياشاطرة بعيده ع الحب

كل دهواً وأنا مخدوعة

فيك يا أكبر واحده خدوعه

انت طلعت من الخاينين ؟؟

؟ أنا من قلبى بكره سيرتك ؟

كنت عبيطه انا يوم ما أخترتك

تافهة ومولوده بالانانيه بتبيعى

وتشترى فى الناس

وياعينى قلبك مغرور ؟ الحب فى نظره بينداس

لو هتكونى انت الدنيا بحلف وحياة دينى لابيعها

لاء . دا نجوم السما أقربلك

من انى أستسلم لضياعها

حبك أصبح شىء مرفوض

مات ومالوش جوايا وجود ؛

ياعنى خلاص بقى من الرايحين

رايح يبقى خلاص مش جاى اوعى

فى يوم تقوليلى ازاى ؟

انت زمان قولتيلى انسينى وكان نسيانك

شىء على عينى

؟وحياه كل دموعى الغاليه اللى بكتها بحرقه عليك

هبعد عنك بعد بلاد حتى ولو روحى

كانت فيك ؟

اللى يبيعنى لازم أبيعه وذى ما زمان أنا قلبى

انداس ؟

لازم أرمى ماضيك ورايا وأعمل حبى ليك

مداس

؟وذى ماغدرتى بيا فى يوم

بكره زمانك يغدر بيك

وذى ماعينى داقت الدمع

بكره تدوق الدمع عينيك

ياخساره طلعت من الظالمين ؟

ياما ظلمت فيا كتير

ويا بخت اللى يبات مظلوم عند الخالق حقه كبير

وهو لسه مابينك وما بينى أيام جايه ولسه

زمان

ويعالم مين فينا هايكسب

ويعالم مين الخسران؟؟

الشاعرة دينا لطفى

مش محتاجة

مش محتاجه أربى ضوافرى

علشان أخد حقى فى يوم ؛

ولا محتاجه أصرخ ولا أبكى

وأقول قلبى ياناس مظلوم

مش همسك فى ايديا سلاح

وأربى للناس الخوف

ولا هعمل اضراب ومظاهره

وأخلى الكون كله يشوف

؛عمر القوه ماكانت ضوفر ؛

عمر القوه ماكانت

؛ صوت ؛

أصل القوه حق هيفضل عايش ولا يمكن

هيموت

؛هسكت خالص مش هتكلم هصبر لما الحق يبان

؛وان ظالمتنى الدنيا بحالها بردو أنا فى الاخر

كسبان ؛

لاء مادمتش لحد فى يوم

دا زمانها عمال بيدور

واللى ظالمنى واللى؛ جارحنى بكره هيجى

عليه الدور

؛دا كل وقت وله أدان وكل شى فيها بمعاد

فمهما تعلى عيدان الظلم لابد ليها من يوم حصاد .

عمرى ماقولت الاه ولا اشتكيت مخلوق

وكل يــوم يعدى أقول مسيرها تروق

بسكت وأصبر وأخبى لما عشش فى قلبى

الحزن ولما فاض بى على حجرى قام مدلـوق . .

العد اهوه فى النازل والسكــه قربت

وشجره عمرى مالت وشمسـى غربت

وغلبت أستنى بكره والضم فى أيامـى

لحد ما الاحــــلام دبلت واتنتورت . .