أخر شىء

أخر شىء ممكن إنى أنا أبكى عليه ؟

؟أخر شىء ممكن تانى أفكر فيه؟؟

طبعا أنت ‍‍‍‍‍‍‍‍‍‍‍؟؟

أصلك أنت

جرحت ؛

ظلمت ؛

خدعت ؛

وخنت .؛

أول واحده هانتنى ؛ باعتنى فى يوم ظالمتنى

كانت انت ؟؟

وأخر واحده هتخدع قلبى وتخدع عينى

هتكون انت ؟؟

أصل جراحك دى صاحتنى

أخدت حبى لكن اديتنى

بدل عيونى عيون تانيين

؟؟أقدر بيهم أشوف لبعيد

قبل ما أصاحب قلب جديد

.أصل زمان كان نظرى ضعيف لما

عملت ملاك وشريفه

صدقتك وأتاريك مجرد شكل ما يسوا

فى عينى تعريفه

؟؟لكن حظى وقلة بختى

هما اللى رامونى عليك ياختى

ولقتنى بوهبلك قلبى وأديلك اخلاصى وحبى

ياااااااااااااااااااااااااااااااااااااااااااه

دنا كنت ولا المجانين ؟

كنت الحاجه الحلوه فى عينى كنت بشوفك

حلم جميل

كنت بكلم نفسى عليك أبعد عنك مستحيل ؟

؟كنت أعز الناس فى عنيا كنت بموت

فى هواك بجد

شفت قساوه وظلم وغدر منك عمرى

ما شفته فى حد ؟

؟كل كلامك وهم وكدب

دا انت ياشاطرة بعيده ع الحب

كل دهواً وأنا مخدوعة

فيك يا أكبر واحده خدوعه

انت طلعت من الخاينين ؟؟

؟ أنا من قلبى بكره سيرتك ؟

كنت عبيطه انا يوم ما أخترتك

تافهة ومولوده بالانانيه بتبيعى

وتشترى فى الناس

وياعينى قلبك مغرور ؟ الحب فى نظره بينداس

لو هتكونى انت الدنيا بحلف وحياة دينى لابيعها

لاء . دا نجوم السما أقربلك

من انى أستسلم لضياعها

حبك أصبح شىء مرفوض

مات ومالوش جوايا وجود ؛

ياعنى خلاص بقى من الرايحين

رايح يبقى خلاص مش جاى اوعى

فى يوم تقوليلى ازاى ؟

انت زمان قولتيلى انسينى وكان نسيانك

شىء على عينى

؟وحياه كل دموعى الغاليه اللى بكتها بحرقه عليك

هبعد عنك بعد بلاد حتى ولو روحى

كانت فيك ؟

اللى يبيعنى لازم أبيعه وذى ما زمان أنا قلبى

انداس ؟

لازم أرمى ماضيك ورايا وأعمل حبى ليك

مداس

؟وذى ماغدرتى بيا فى يوم

بكره زمانك يغدر بيك

وذى ماعينى داقت الدمع

بكره تدوق الدمع عينيك

ياخساره طلعت من الظالمين ؟

ياما ظلمت فيا كتير

ويا بخت اللى يبات مظلوم عند الخالق حقه كبير

وهو لسه مابينك وما بينى أيام جايه ولسه

زمان

ويعالم مين فينا هايكسب

ويعالم مين الخسران؟؟

الشاعرة دينا لطفى

مش محتاجة

مش محتاجه أربى ضوافرى

علشان أخد حقى فى يوم ؛

ولا محتاجه أصرخ ولا أبكى

وأقول قلبى ياناس مظلوم

مش همسك فى ايديا سلاح

وأربى للناس الخوف

ولا هعمل اضراب ومظاهره

وأخلى الكون كله يشوف

؛عمر القوه ماكانت ضوفر ؛

عمر القوه ماكانت

؛ صوت ؛

أصل القوه حق هيفضل عايش ولا يمكن

هيموت

؛هسكت خالص مش هتكلم هصبر لما الحق يبان

؛وان ظالمتنى الدنيا بحالها بردو أنا فى الاخر

كسبان ؛

لاء مادمتش لحد فى يوم

دا زمانها عمال بيدور

واللى ظالمنى واللى؛ جارحنى بكره هيجى

عليه الدور

؛دا كل وقت وله أدان وكل شى فيها بمعاد

فمهما تعلى عيدان الظلم لابد ليها من يوم حصاد .

عمرى ماقولت الاه ولا اشتكيت مخلوق

وكل يــوم يعدى أقول مسيرها تروق

بسكت وأصبر وأخبى لما عشش فى قلبى

الحزن ولما فاض بى على حجرى قام مدلـوق . .

العد اهوه فى النازل والسكــه قربت

وشجره عمرى مالت وشمسـى غربت

وغلبت أستنى بكره والضم فى أيامـى

لحد ما الاحــــلام دبلت واتنتورت . .

قايل للسقوط

الوقت فات والقلب سلم للسكـــوت

وحلمى داب وباش وقايــل للسقـوط

غلبت أرمم فيك سنيين ياحلم عمرى

كان نفسى أشوفك وأحضنك قبل أ ما أموت .

هيجيله يوم ويقول

عايشه بهمى وحسرتى ولسانى ده مشلول

محكوم عليه يفضل ساكت كده على طول

بستنى يصرخ صرخته ينطق ومايخفشى

يتفك خوفه وعقدته ويجيله يوم ويقول ..

وداندى ؛

حلم قديم

كنت فى حلم غريب وعجيب

مس القلب بشكل رهيب

مثل ليا دور الصاحب ؛

قرب ليا قال نتصاحب

وأنا صدقته هويته وشلته

جوه عنيا وقلت حبيب

قلبه وهمنى ان ده انسان ؛

وحبه ده مرسى وبر أمان

وانه هيبقى صديق العمر

؛دايما عينه عليا تمر ؛

وانه وانه وفا واخلاص

وحبه ده بحر وموجه حنان

بسرعه هويته وقولت عرفته ؛

كأنى قابلته زمان ده وشفته ؛

مشيت وياه وأنا مطمنه

وقولت عينيه دى أكيد مومنه ؛

وقلت لنفسى أنا هعمل ايه

لو فى حياتى ما كنت صادفته ؛

أتارى فى قربه دا جرح كبير

ظالمنى وهانى بكدبه كتير

؛ماشفش فى يوم منى أسيه ؛

وأنكر هوه حبه ليا

وجه فى يوم شهر عليا

وراح شكانى مسلوب الضمير

؛ماكنتش أعرف انه سراب

وان وفائى ده كان لتراب ؛

وان طريقه دا كان ماساتى

وكل وروده دى شوك فى حياتى

وانه وانه جحود وخراب

؛خسيس وماكنتش أصدق يوم؛

ههون قدامه وأكون مظلوم

وفاجأه صحيت من حلم عميق

بقول دا ماكنش حقيقى صديق

ظالمنى المنى جرح ايه ياعنى

مسير الظالم ياناس ليه يوم !

وداندى ؛

أنا كل شىء حبيتة راح

أنا كل شىء حبيتة راح وفات أوانه و انقضى

وقلبى أصبح طير جريح ودمه بنزف فى الفضا

أداوى اية أنا م الجروح !!

وأشكى فين ولمين أروح ؟؟

دى الشكوه جوه فى قلبى كون ما يكفهاش

الفضفضة .

وداندى

وصية

أنا بدى أكتب وصيه يمكن بكره أموت ؛

وأكتب فيها هحبك ياحبيبتى

بعد ما أموت وبعد ماتغسلونى ؛

وقبل ماتدفنونى لفونى فى ورقه مكتوب فيها

بحب " مرمر " موت

وأوصيكوا لازم جنازتى تفوت من تحت بيتها ؛

وان كان قلبى فى يوم أو عينى زعلتها ؛

قوللها خلاص سماح تسامحنى عشان أرتاح ؛

دا كفايه ان فى يوم من ا لايام حبيتــــــها ..

واعدتنى كتير وقالتلى هتجيب لى مارونج لاسيه

وفضلت أصبر و أستنى اليوم دة وأحلم بيه

لكن ياخسارة نسيتنى

راحت بعدت خصمتنى ومن يوميها

ماشوفتش ولا دوقت اللى اسمه اية ؟!

قفلت بابى على عواطفى وبنيت لهم كذا سور

وقلبى خدته ونايمته وطفيت علية النور

معرفش ازاى وامته قام فاجأه

ظهر لى حبك

جيت أصدة قام انفرط ؛

وعلى قلبى راح مبدور !

وداندى

أنا مهما دوقت الانكسار

وتهت فى بحور المرار

هلضم سنيين عمرى اللى باقى

واغزل أمانى وأنسج نهار .

دينا لطفى ؛

لو كنت عايز تخاصمنى

فى شىء وحيد بس المنى ؟؟

هتسيبنى بعدك قوللى لمين !!

وانت اللى فى العين والننى .

دينا لطفى ؛

من بين العالم تلاقينى أنا واقفة هناك رافعة صباعى

بستأذن قلبك ينادينى علشان أوصفلك أطباعى

أنا مش من طبعى ان أسيب أو أجرح وأغدر وأغيب

ياحبيبتى هقولها ومش عيب

بحبك " جملة وقطاعى "

وبحبك

يالا تعالى نقول للكون والدنيا بانى

بعد حبيبى خلاص مابقاش فى شىء يالمنى

حالفة ان أبدا تانى حياتى فى صفحة جديدة

صفحة مافيهاش حد أخاصمة أو يخاصمنى .

هوة اختيارى ودة قرارى أنا واحدة حرة

فكرت مرة اتنين تلاتة و 1000 مرة

شارياه بطيبته وقسوته على بعضة شاريه

وبحبة حتى لو حياته هتبقى مرة .

حبك دا أمر وقلبك انتى ياستى سيدى

وأنا غصب عنى بحبك انتى ومش بايدى

لو شالوا قلبى وحطوا غيرة قلب تانى

هتجرى بردو جوه دمى اللى فى وريدى !

وبحبك

من غير ما أخاف هقول خلاص بحبها

وحلم عمرى أبقى جوه فى قلبها

يظهر كدة ان انكتب عليا أعيش

وأموت وأنا لسة بموت

فى حبها !